Vdes mamia llapjane Sanije Topanica, iu ndihmoi grave në lindje gjatë luftës
Gjermania e paralajmëron Rusinë për Sirinë
Gjermania e ka paralajmëruar Rusinë se duhet patjetër të ulët në tavolinën e bisedimeve nëse dëshiron që vendet tjera ta ndihmojnë atë në ndarjen e barrës financiare për rindërtimin e Sirisë së shkatërruar nga lufta.
Ministri i Jashtë i Gjermanisë, Sigmar Gabriel, ka thënë se është e pamundur për Rusinë që të paguajë për rindërtimin e Sirisë, dhe se Moska duhet të sigurohet se nuk do të ketë më fotografi të fëmijëve të vrarë nga gazi helmues, nëse dëshiron që të jetë partner i respektuar ndërkombëtar, transmeton Express.
Ai ka thënë se konflikti në Siri nuk zgjidhet brenda natës.
“Nuk do të mund të ketë rindërtim të Sirisë derisa nuk ka ndryshim,” ka thënë Gabriel.
Duke shtuar: “Askush nuk do të investonte në Siri derisa atje ka luftë dhe luftë civile. Askush nuk do ta financonte Assadin dhe Rusia e di që ajo nuk mund ta bartë e vetme barrën financiare.”/Express/
