Juventusi i dhuron leksion futbolli Barcelonës në çerekfinalen e parë (VIDEO)

Juventusi e ka shkatërruar Barcelonën në takimin e parë.

Juventus ka triumfuar ndaj Barcelonës në ndeshjen e parë çerekfinale të Ligës së Kampionëve, me rezultat të thellë 3:0, shkruan Gazeta Blic

Në ndeshjen e luajtur në ‘Juventus Stadium’, biankonerët shënuan fitore të madhe ndaj blaugranëve, duke bërë hap të madh drejt gjysmëfinales.

‘Zonja e Vjetër’ kaloi në epërsi pas vetëm shtatë minutave lojë, kur Paulo Dybala realizoi për 1-0, para se të shënonte përsëri për 2-0, në minutën e 22 të takimit.

Në pjesën e dytë, Juventusi shënoi edhe një herë përmes Giorgio Chiellinit, në minutën e 55 të takimit për 3-0, për t’i dhënë goditjen përfundimtare Barcelonës.

Katalanasit tani duhet të fitojnë me rezultat 4-0, për të shkuar tutje, në ndeshjen e kthimit e cila do të luhet më 19 prill në ‘Camp Nou’. /Gazeta Blic/