Asambleisti i PDK-së: Qeverisjes në Podujevë i mungon transparenca ndërsa opozita është anemike

Lutfi Rexhepi i cili është asambleistë i Partisë Demokratike të Kosovës dega në Podujevë ka reaguar sot lidhur me gjendjen në Komunën e Podujevës. Po ashtu z. Rexhepi akuzon edhe KPF-në, Komiteti për Politik dhe Financa i cili nuk e përmbush obligimin ligjor që ka, njofton PodujevaPRESS.

Ky është reagimi i tij:

Qeverisje jo transparente dhe opozite anemike

Se qeverisja komunale e Podujevës qeverisë me ligje e pa ligje mjafton të dihet mospërmbushja e obligimit ligjor që shtrohet me Ligjin për Vetëqeverisjen Lokale, nr.03/ L-040,me të cilin ka obligim që,përveq tjerash, çdo vit kalendarik të trajtoj Planin vjetor te Auditorit të brendshëm dhe te Zyrës së Prokurimit dhe raportet e tyre, të cilat asnjëherë të vetme nuk i ka sjell në Kuvendin Komunal që nga paslufta.

Pse s`guxojnë të raportojnë?

Çka ka për tu fshehur që fshehet me kaq ngulm ?

Pse komiteti për politikë dhe financa,si trupë ndihmëse e Kuvendit, të cilit me nenin 52.2 të të njëjtit Ligj në mënyrë decidive i kërkohet trajtimi i këtyre planeve ,raporteve dhe rregulloreve tjera në mënyrë që të procedohen pastaj në Kuvend për trajtim ,nuk ka kërkuar të përmbushet ky obligim ligjor?

Lidershipi opozitar si duket nuk e ka hallin për këtë dhe për shumë zhvillime tjera brenda komunës;mbase i mungon vullneti politikë për të kërkuar më shumë transparencë nga qeverisja komunale,por mjaftohet me deklarata anemike .