6 jetimë nga Podujeva bëhen me shtëpi të re

6 jetimë nga fshati Llapashticë e Epërme e Komunës së Podujevës janë bërë sot me shtëpi të re, shkruan Gazeta Blic.

Kushtet e rënda në të cilat jetimët e familjes Jonuzi kanë jetuar deri më tani, kanë bërë që një iniciativë e hoxhës së “Xhamisë së Vjetër” në Podujevë, Imri Llugaliu të përkrahet dhe të vije deri tek ky gjest human.

Kjo është bërë e ditur edhe nga vet imami i kësaj xhamie i cili ka thënë se me rastin e festës së 28 nëntorit 6 jetimët e familjes Jonuzi u bënë me shtëpi të re.

“Faleminderit Zot që na e mundësove në këtë ditë gëzimi e feste ti gëzojmë me shtëpi të re 6 jetimët Jonuzi nga Llapashtica Eperme. Bamirësa , Zoti ju shpërbleftë”, ka shkruar Llugali.

Ndryshe, gjatë ditës së sotme komuna e Podujevës ka dorëzuar edhe çelësat e 20 përfituesve të shtëpive të banimit social në Lagjen e Dëshmorëve.