Vdes mamia llapjane Sanije Topanica, iu ndihmoi grave në lindje gjatë luftës
22 marinsat nga ekipi që vranë Bin Ladenin, zhduken në mënyrë misterioze! (Video)
“Hakmarrja është një pjatë që shërbehet e ftohtë”, thotë proverbi, dhe ndoshta ky rast përkon me hakmarrjen që bënë talebanët duke vrarë 22 anëtarë të njësisë speciale amerikane që vranë Osama Bin Ladenin, më 6 qershor 2011, transmeton Indeksonline.
Një helikopter ushtarak me 38 njerëz në bord, duke përfshirë 25 anëtarë të ekipit të 6 të SEAL, pesë të Gardës Kombëtare dhe Ushtrisë rezerve, dhe tetë komando afgane, u rrëzuan mbi territorin taleban në lindje të Afganistanit.
Ata kishin qenë në një mision të fshehtë ku kishin për objektiv një shënjestër me vlerë të lartë.
Kjo ishte humbja më e madhe e ushtrisë amerikane në një ditë të vetme që kur kishte filluar lufta në Afganistan.
Një raport ushtarak 1250 faqesh, thoshte se rrëzimi i helikopterit ishte thjesht rezultat i një të “shtëne me fat” nga ushtarët talebanë.
Për familjet e këtyre ushtarëve të vrarë në një konferencë për shtyp të mbajtur më 9 maj 2013, kjo është një gënjeshtër në mesin e një mori të gënjeshtrave të tjera.
Billy dhe Karen Vaughn, prindërit e Navy SEAL Aaron C. Vaughn, thonë se gjithë historia rreth të “shtënës me fat” nga talebanët është një histori e trilluar dhe pas kësaj vrasje fshihet një agjendë qeveritare!
