Vdes mamia llapjane Sanije Topanica, iu ndihmoi grave në lindje gjatë luftës
‘Vetëvendosje’ po e rrezikon LDK’në edhe në një nga bastionet kryesore të saj (Grafikoni)
Edhe në Podujevë, Lëvizja Vetëvendosje ka dyfishuar numrin e votuesve, duke ia rrezikuar LDK’së pozitën e parë që tradicionalisht mbante në këtë komunë. Humbje të madhe të votuesve llapjan rezulton të ketë edhe PDK’ja në koalicion me AAK’në e NISMA’n.
Koalicioni LDK-AKR, ndonëse janë të parët me votë në Podujeve, në total të votave kanë shënuar rënie të madhe në krahasim me zgjedhjet e kaluara, qershorin e 2014’ës, raporton Gazeta Express.
Tre vite më parë, LDK’ja e vetme në Podujevë kishte 14 mijë e 752 votues (42,46%), ndërsa sipas rezultateve preliminare të 11 qershor 2017, bashkë me AKR’në e Behgjet Pacollit kanë 12 mijë e 526 votues (38,35%). I bije që, koalicionit i ‘Brezit të Republikës’ kanë 3200 votues më pak në Llap, sesa kishin pasur gjithsej së bashku në zgjedhjet e 2014, kur garonin të ndara. Bazuar në rezultate individuale të atyre zgjedhjeve, LDK dhe AKR pasur gjithsej 15 mijë e 726 votues nga Podujeva. Vetëm 974 prej tyre ishin të AKR’së.
Nga ana tjetër, Lëvizja Vetëvendosje, nga e treta parti e preferuar e llapjanëve, më 11 qershor duke dyfishuar numrin e votuese, në Podujevë ka arritur të dalë e dyta më 31,59 në përqindje.
Rezultatet preliminare të KQZ’së tregojnë se deri me tani janë numëruar 10 mijë e 320 vota të VV’së në këtë komunë – 5747 vota më shumë sesa zgjedhjet e kaluara kur kjo parti kishte vetëm 4573 votues, shkruan Gazeta Express.
E humbjen më të thellë në votë, dje në Podujevë, e kanë pasur koalicioni PDK-AAK-NISMA – hiq më pak se 4960 sosh. PDK e vetme në këtë komunë, më 2014, kishte dalë e dyta me 10 mijë e 874 vota. Ndërsa, më sipas rezultateve preliminare, PDK në koalicion me AAK’në dhe NISMA’n kanë vetëm 8961 votues në Podujevë.
AAK, tre vite më parë kishte 2242 votues llapjan, ndërsa NISMA vetëm 805 sosh. Gjithsej, të tri këto parti, në qershor të 2014’ës kishin pasur 13 mijë e 921 votues. /GazetaExpress/.
